ආසියාවේ මීළඟ බලවතා ශ්‍රී ලංකාවයි – ඇමරිකාවෙන් මල් මිටක්


වත්මන් තත්ත්වය අනුව ශ්‍රී ලංකාව ඉදිරි කාලයේදී ආසියාවේ ප්‍රබල රටක් බවට පත්වනු ඇතැයි අැමරිකා එක්සත් ජනපදයේ වැඩබලන රාජ්‍ය ලේකම්වරයෙකු වන බෘෘස් වෝටන් පවසනවා.

ඔහු පෙන්වා දෙන්නේ ඇමරිකාව ශ්‍රී ලංකාව සමග පවතින මිත්‍රත්වය තවදුරටත් වර්ධනය කරගන්නා බවයි.

ශ්‍රී ලංකාවේ වත්මන් ප්‍රජාතන්ත්‍රවාදී ප්‍රවාහය පිළිබදව අමෙරිකාව සිය ප්‍රසාදය පළ කරන බවයි ඔහු වැඩිදුරටත් සඳහන් කළේ්.

ඇමරිකාවේ පිහිටි ශ්‍රී ලංකා තානාපති කාර්යාලයේ පැවති නිදහස් දින සැමරුම් උත්සවයේ ප්‍රධාන ආරාධිතයා ලෙස එක්වෙමින් ඔහු මේ පිළිබද අදහස් පළ කළා.

මෙරට පවතින ප්‍රතිසන්ධානය, වගවීම සහ අදහස් ප්‍රකාශ කිරීමේ නිදහස අමෙරිකාව අගය කරන බවයි අමෙරිකා එක්සත් ජනපදයේ වැඩබලන රාජ්‍ය ලේකම්වරයෙකු වන බෘෘස් වෝටන් මෙහිදී වැඩිදුරටත් සදහන් කළේ.